पर्वत । नेपालमा पनि कोरोना भाइरस (कोभिड १९) बाट सङ्क्रमितहरूको सङ्ख्या बढ्दै गए पनि त्यसको सतर्कताको लागि पर्वतमा क्वारेन्टाइन बसाइलाई अनिवार्य गरिएको छ ।
भाइरस सङ्क्रमणको अवस्था तेस्रो चरणमा प्रवेश गरेकोले यसको फैलने गति तीव्र हुने हुँदा नियन्त्रण र न्यूनीकरणका लागि बाहिरी जिल्लाबाट जो कोही पनि जिल्लामा भित्रिएका अनिवार्य रूपमा क्वारेन्टाइनमा बस्नुपर्ने गरी जिल्ला प्रशासन कार्यालयले सबै पालिकाहरूलाई निर्देशन दिएको छ ।
सहायक प्रमुख जिल्ला अधिकारी दीपक पौडेलले अन्तर जिल्ला र अन्तर पालिका आवतजावतमा समेत रोक लगाउने निर्णय भएसँगै आवागमनको बन्द र क्वारेन्टाइन बसाइलाई झनै कडाइका साथ लागू गरिएको जानकारी दिनुभयो ।
वि.सं.२०७७ वैशाख १३ शनिवार १३:१२ मा प्रकाशित
