दाङ । घोराही उपमहानगरपालिकामा मंगलवारदेखी बिहान ११ बजेदेखि दिउँसो ३ बजेसम्म दैनिक उपभोग्य वस्तुहरु बिक्री गर्ने पसल खुल्ने भएका छन् ।
घोराही उपमहानगरपालिका, दाङ जिल्ला उद्योग वाणिज्य संघ र जिल्ला प्रशासन कार्यालय दाङको समन्वयमा दैनिक चार घण्टा पसल खुल्ने उद्योग वाणिज्य संघले जनाएको छ ।
यसअघि २४सैं घण्टा पसलहरु बन्द गरिएका थिए । त्यस समयमा वाणिज्य संघ उपभोग्य वस्तुहरुको होम डेलिभरी गर्दै आएको थियो ।पसल खुल्ने भएपछि उक्त सेवा हाललाई स्थगित गरिएको संघले जनाएको छ ।
जटिल प्रस्थिती भएमा पुनः होम डेलिभरी सेवा प्रदान गरिने संघले जनाएको छ। संघले गत चैत १८ देखि होम डेलिभरी सेवा प्रदान गर्दै आएको थियो। पसलमा खरिद गर्दा अनिवार्य रुपमा सामाजिक दूरी कायम गर्नुको साथै सुरक्षा सावधानीहरु अपनाई कारोबार गर्न आग्रह गरिएको छ।
वि.सं.२०७७ वैशाख १६ मंगलवार ११:०० मा प्रकाशित
