एजेन्सी । भारतको स्पाइस जेट एयरलाइन्सका पाइलटले अप्रिल र मे महिनाको तलब नपाउने भएका छन्। कोभिड १९ का कारण उडान ठप्प हुँदा पाइलटलाई २ महिनाको तलब दिन नसक्ने एयरलाइन्ले बताएको हो।
तर अप्रिल र मे महिनामा कार्गो उडान गरेका पाइलटले भने पारिश्रमिक पाउनेछन्। लकडाउनपछि १६ प्रतिशत मात्रै उडान भएको र २० प्रतिशत पाइलटले उडान भरिरहेको एयरलाइन्सले बताएको छ।
एयरलाइन्सले आफ्ना कर्मचारीलाई बेतलबी विदामा घर पठाएको छ। भारतमा लकडाउन मे ३ सम्म भनिए पनि उडान कहिले खुल्ने जानकारी दिइएको छैन। भारत सरकारले अहिले नै मे ३ बाट प्रि–बुकिङ नगर्न एयरलाइन्सलाई भनेको छ ।
वि.सं.२०७७ वैशाख १७ बुधवार १३:५० मा प्रकाशित
