काठमाडौं । स्वीट्जरल्याण्ड सरकारले पठाएको ६० हजार किट बिहीबार काठमाडौं आउँदै छ । कोरोना भाइरस संक्रमणको परीक्षणका लागि आवश्यक पर्ने ६० हजार किट बिहीबार काठमाडौं आउने भएको हो ।
६० हजार किट मध्ये ३० हजार पीसीआर किट र ३० हजार आरएनए एक्ट्रयाक्सन किट रहेका छन् । सो किट आएसँगै मुलुकमा देखिएको कोरोनाको पीसीआर विधिबाट गरिने परीक्षणका लागि चाहिने किटको अभावलाई कम गर्ने छ ।
नेपालमा कोरोना संक्रमितको संख्या ९९ सय पुगेको छ । दैनिकजसो संक्रमितको संख्या बढ्न थालेपछि संक्रमितसहित उनको सम्पर्कमा आएकाहरुको परीक्षणका लागि किटको अभाव देखिएको थियो । तर, सो किट आइपुगेपछि तत्कालका लागि अभाव कम हुनेछ ।
वि.सं.२०७७ वैशाख २४ बुधवार १८:१० मा प्रकाशित