काठमाडौं । आज अपराह्न ४ बजेदेखि संसद्को बजेट अधिवेशन सुरु हुँदै छ । कोरोना भाइरसको जोखिम रहेकै वेला संघीय संसद्को बजेट अधिवेशन सुरु हुन लागेको हो ।
सभामुख अग्निप्रसाद सापकोटाले कोरोना संक्रमणको जोखिमलाई ध्यानमा राखि सम्पूर्ण तयारी पूरा भइसकेको बताए । सांसदहरू बस्ने कुर्चीहरूबीच अन्तर राख्ने, मास्क अनिवार्य लगाउनुपर्ने, संसद् भवन प्रवेश गर्नुअघि ज्वरो नाप्ने, साबुनपानीले हात धुने, बोल्ने वेला माइकलाई स्यानिटाइज गर्ने लगायतका उपाय अपनाइएको छ ।
वि.सं.२०७७ वैशाख २६ शुक्रवार १३:५४ मा प्रकाशित
