सुनसरीे । केही दिनदेखी भोकै रहेका सुनसरीको इनरुवा ९ बबियाका मुसहर तथा विपन्न परिवारलाई यूएसमा बस्दै आउनुभएका कानुन चौधरीले राहत वितरण गर्नुभएको छ ।
लामो समयको लकडाउनले दैनिक जनमजदुरी गरी खानेहरुलाई हातमुख जोड्न समस्या भएको वडाले दिएको १० केजी राहत सकेर हप्तादेखी भोकै बसिरहेका उक्त परिवारलाई राहत वितरण गरिएको हो ।
चौधरीले युएसबाट पठाउनुभएको करिव दुई लाख ५० हजार रुपियाँ बजारको राहत आफ्नो जन्मथलो सुनसरीको इनरुवा ९ बबियाका स्थानीयहरुलाई वितरण गरिएको हो ।
चौधरीले बुवा स्व.बुद्धिलाल चौधरी, आमा स्व.रोजनी थरुनीको नामबाट राहत वितरण गर्नुभएको हो । इनरुवा नगरपालिकामा उदाहरणी रुपमा भोको पेटका लागि बास्तवीक पिडितहरुलाई खोजेर राहत वितरण गरेको छ ।
सुकुम्बासी, जनमजदुरी गर्ने र विपन्न घरपरिवारलाई चौधरीले पठाएको रकमबाट दाजुभाई भुनेश्र चौधरी, किसोर चौधरी, बैहीनी सिता र गिता चौधरीले आफ्नै घरबाट राहत वितरण गरिएको हो ।
नगरपालिकालाई राहत हस्तान्तरण गर्दा राहत वितरण ढिलो हुने भएकाले व्यक्तिगत रुपमै घरबाटै राहत वितरण गरेको कानुन चौधरीकी बहिनी सिता चौधरीेले जानकारी दिनुभयो ।
इनरुवा ९ का एक सय ५० परिबारलाई २५ किलो चामल, १ प्याकेट नुन र १ लिटर खाने तेल लगायतका खाद्य सामग्री वितरण गरिएको चौधरीले जनकारी दिनुभयो । राहत पाएपछि स्थानीयहरुले खुशी व्यक्त गर्दै दातालाई धन्यवाद ज्ञापन गरेका थिए ।
वि.सं.२०७७ वैशाख २९ सोमवार १७:४४ मा प्रकाशित
