चितवन । चितवनको भरतपुर महानगरपालिकाले आज बिदा दिएको छ । भरतपुर महानगरपालिका–४ का वडा सदस्य प्रेम पाठकको मृत्यु भएको शोकमा मंगलबार बिदा दिइएको हो ।
महानगरपालिकाका जनप्रतिनिधि पाठकको मृत्युमा शोक व्यक्त गर्दै एक दिन बिदा दिइएको महानगरपालिकाका प्रमुख प्रशासकीय अधिकृत प्रेमराज जोशीले जानकारी दिनुभयो ।
महानगरपालिकाका २९ वटै वडा कार्यालय तथा अन्य शाखा महाशाखा सबै बन्द हुनेछन् । नेपाली कांग्रेसबाट निर्वाचित वडा नं. ४ का जनप्रतिनिधि पाठकको उपचारको क्रममा सोमवार चितवन मेडिकल कलेजमा मृत्यु भएको थियो ।
वि.सं.२०७७ जेठ ६ मंगलवार ११:४७ मा प्रकाशित
