काठमाडौं । गण्डकी प्रदेश अन्तर्गतको लमजुङमा पनि पहिलो पटक कोरोना संक्रमण पुष्टि भएको छ । स्वास्थ्य मन्त्रालयका अनुसार आज गरिएको परीक्षणका क्रममा लमजुङका एक व्यक्तिमा कोरोना संक्रमण पुष्टि भएको हो ।
स्वास्थ्य मन्त्रालयका अनुसार उनको स्वास्थ्यअवस्था सामान्य रहेको छ भने उनी अहिले चिकित्सकको निगरानीमा रहेका छन् ।आज मात्रै नेपालमा थप २७ जना कोरोना संक्रमित फेला परेका छन् ।
योसँगै नेपालमा जम्मा कोरोना संक्रमितको संख्या ४०२ पुगेको छ । ३७ जना स्वास्थ्योपचार पछि निको भएका छन् भने कोरोनाको संक्रमणबाट २ जनाको मृत्यु भईसकेको छ ।
वि.सं.२०७७ जेठ ६ मंगलवार १६:४६ मा प्रकाशित
