काठमाडौं । क्वारेन्टाइन व्यवस्थामा जुटेका कञ्चनपुरको कृष्णपुर नगरपालिका वडा–७ का वडाध्यक्ष कल्लु रानाको मृत्यु भएको छ ।
राष्ट्रिय माध्यमिक विद्यालयमा रहेको क्वारेन्टाइनमा कुर्सिमा बसेर फोन गरि रहेका बेला एक्कासी बेहोस भएका रानाको मृत्यु भएको हो । ’मंगलवार दिनभर क्वारेन्टाइन व्यवस्थापनमा संगै थियौं । राना साँझ पख घरमा पुगि नुहाई राना खाना खाएर हाप पाइन्ट र कमिज लगाई क्वारेन्टिन पुगेका थिए ।
नयाँ क्वारेन्टिन स्थापना गरिएको थियो’ नगर प्रमुख कर्ण बहादुर हमालले भने, ‘राति व्यवस्थापन बारे जानकारी लिनका लागि क्वारेन्टाइनमा पुगेका उनको एक्कासी मृत्यु भएको छ ।’ वडा अध्यक्ष रानामा कुनै पनि रोगको लक्षणहरु यस अघि देखिएका थिएनन् । उनी तन्दुरुस्त थिए । हृदयघातका कारण उनको मृत्यु भएको हुन सक्ने उनले बताए ।
मृत्यु भएका रानाको शव परिक्षणका लागि रातिनै सेती प्रादेशिक अस्पताल धनगढीमा पुरयाईएको छ । अस्पतालमा मृतक रानाको शव परिक्षण पश्चात स्वावको नमूना संकलन गरी परिक्षण गरिने बताइएको छ ।
वि.सं.२०७७ जेठ १४ बुधवार ०७:४० मा प्रकाशित