काठमाडौं । सरकारले आउँदो आर्थिक वर्ष सहुलियत ऋणलाई थप विस्तार गर्ने भएको छ । यसको लागि हरेक ’क’ वर्गका बैंकले हरेक शाखाबाट १० जनालाई सहुलियत ब्याजदरमा ऋण दिने र ’ख’ वर्गका बैंकले प्रतिशाखा पाँच जनालाई सहुलियतपूर्ण ऋण दिनुपर्ने बजेटमा उल्लेख छ ।
अर्थ मन्त्री डाक्टर युवराज खतिवडाले सङ्घीय संसदमा बजेट प्रस्तुत गरिरहनुभएको छ । यस्तै सरकारले आउँदो आर्थिक वर्षमा सामाजिक सुरक्षा भत्ता वितरणका लागि ६७ अर्ब ५० करोड छुट्याएको छ । अर्थमन्त्री युवराज खतिवडाले संसदमा बजेट प्रस्तुत गर्दै सामाजिक क्षेत्रमा यो रकम विनियोजन गरिएको बताउनुभयो ।
त्यसैगरी सरकारले हरेक स्थानीय तहमा ज्येष्ठ नागरिक सेवा तथा मिलन केन्द्र सञ्चालन गर्ने कार्यक्रमलाई निरन्तरता दिने भएको छ ।अर्थमन्त्री खतिवडाले आगामी आर्थिक वर्षमा केन्द्र निर्माण हुन बाँकी रहेका स्थानीय तह र वडामा केन्द्र स्थापना गरिने जानकारी दिनुभयो ।
उहाँले सरकारले हाल सञ्चालनमा रहेका सबै सामाजिक सुरक्षा कार्यक्रमलाई निरन्तरता दिँदै त्यसका लागि ६७ अर्ब ५० करोड रुपैयाँ बजेट विनियोजन गरेको बताउनुभयो ।
वि.सं.२०७७ जेठ १५ बिहीवार १६:४५ मा प्रकाशित
