काठमाडौं । बागमती प्रदेशमा हालसम्म २० जना कोरोना संक्रमित निको भई घर फर्केका छन् । सामाजिक विकास मन्त्रालयको तथ्यांक अनुसार शुक्रबारसम्म प्रदेशमा देखिएका ४२ जना संक्रमित मध्ये २० जना निको भएका हुन् ।
बाँकी २० जना प्रदेशका विभिन्न अस्पतालमा उपचाररत् छन् भने हालसम्म सिन्धुपाल्चोक र ललितपुरमा एकरएक जनाको मृत्यु भएको मन्त्रालयले जनाएको छ ।
बागमती प्रदेशका कुल १३ जिल्लामध्ये रसुवाबाहेक अन्य सबै जिल्लामा संक्रमित भेटिएका छन् । मन्त्रालयको तथ्यांकमा काठमाडौंमा १६, चितवनमा ६, भक्तपुरमा चार, धादिङमा तीन, मकवानपुरमा पाँच, ललितपुरमा २, काभ्रे, सिन्धुपाल्चोक, सिन्धुली, रामेछाप, नुवाकोट र दोलखामा एकरएक जनामा संक्रमण पुष्टी भएको उल्लेख छ ।
प्रदेशमा ९ हजार १४ जनाको पीसिआर बिधीबाट स्वाब परीक्षण र २५ हजार २ सय ३१ जनामा आरडिटीबाट एन्टिबडी परीक्षण गरिएको छ ।
यस्तै, सामाजिक विकास मन्त्रालयले स्थापना गरेको किटजन्य रोग अनुसन्धान तथा तालिम केन्द्रको प्रयोगशालामा हालसम्म एक हजार ७ सय २३ जनाको स्वाब परीक्षण गरिएको छ ।
शुक्रबार प्रयोगशालामा ल्याइएको ७० वटा संकलित स्वाब परीक्षणको क्रममा रहेको मन्त्रालयका अस्पताल विकास तथा चिकित्सा महाशाखा प्रमुख डा.पुरुषोत्तमराज सेढाईंले जानकारी दिए । प्रयोगशालामा एक पटकमा ६० वटा स्वाब परीक्षण गर्न सकिने सेढाईंले बताए ।
वि.सं.२०७७ जेठ १७ शनिवार १४:०७ मा प्रकाशित
