काठमाडौं । राष्ट्रिय सभाका अध्यक्ष गणेशप्रसाद तिमिल्सिनाले बैठक र भ्रमण भत्ता नलिने घोषणा गर्नुभएको छ ।
‘मुलुक कोरोना भाइरस संक्रमणको महामारी विरुद्ध लडिरहेको सन्दर्भमा सार्वजनिक खर्चमा मितव्ययीता ल्याउनको लागि भन्दै आज ९जेठ २२ गते० देखि २०७७ चैत्र मसान्तसम्म संघीय संसद, राष्ट्रिय सभाको बैठक भत्ता तथा विभिन्न कामको सिलसिलामा मुलुकभित्र भ्रमण गर्दा समेत कुनै पनि भ्रमण भत्ता नलिने’ अध्यक्ष तिमिल्सिनाले बताउनुभयो ।
बिहीबार संघीय संसद सचिवालय, आर्थिक प्रशासन शाखालाई पत्र लेखी उक्त भत्ताहरु नेपाल सरकारको राजस्व खातामा जम्मा गरिदिन आग्रह गर्नुभएको छ ।
वि.सं.२०७७ जेठ २२ बिहीवार १५:४५ मा प्रकाशित