काठमाडौँ । कोरोना भाइरस (कोभिड–१९) को संक्रमण आज एकै दिन ३३४ जनामा देखिएको छ ।
स्वास्थ्य तथा जनसंख्या मन्त्रालयले आज गरेको नियमित पत्रकार सम्मेलनमा प्रवक्ता डा विकास देवकोटाले विभिन्न प्रयोगशालामा गरिएको परीक्षण आज ३१९ पुरुष र १५ महिला सङ्क्रमित भएको जानकारी दिए ।
आज देखिएको संक्रमण अहिलेसम्मकै सबभन्दा बढी हो । यससँगै सङ्क्रमितको संख्या दुई हजार ६३४ पुगेको छ । अहिलेसम्म ६५ जिल्लाका मानिसमा सङ्क्रमण देखिएको छ ।
वि.सं.२०७७ जेठ २२ बिहीवार १६:३१ मा प्रकाशित