काठमाडौं । लकडाउनका कारण सिमित शाखा मात्र सञ्चालन भइरहेको राष्ट्रिय वाणिज्य बैंकका सबै शाखा सञ्चालनमा आएको छ । बैंकले सूचना जारी गरी आइतवारदेखि हरेक दिन विहान १० देखि ३ बजेसम्म सबै शाखा सञ्चालनको लागि खुला गरिएको बताएको हो ।
उपत्यका बाहिरका शाखा कार्यालयहरुको हकमा भने सम्बन्धित स्थानीय निकाय वा जिल्ला प्रशासन कार्यालयले जारी गरेको तालिका अनुसार शाखा सञ्चालन हुनेसमेत बैंकले जानकारी दिएको छ । उक्त बैंकले देशभर २३८ शाखा कार्यालय मार्फत सेवा प्रदान गर्दै आएको छ ।
वि.सं.२०७७ जेठ २५ आइतवार १४:३० मा प्रकाशित