काठमाडौं । नेपालमा जारी चैत ११ गते देखिको लकडाउनले गर्दा चार ओटा कम्पनीको हकप्रद शेयर स्थगित भएको छ । लकडाउनका कारण गुँरास लाइफ इन्स्योरेन्स,एनएलजी इन्स्योरेन्स, प्रुडेन्सियल इन्स्योरेन्स र शिखर इन्स्योरेन्सको हकप्रद शेयर स्थगित भएको हो ।
गुराँस लाइफ इन्स्योरेन्स कम्पनीले ९३ लाख ८५ हजार २०० कित्ता हकप्रद शेयर गत चैत २० गतेदेखि र शिखर इन्स्योरेन्स कम्पनीले ३१ लाख ७१ हजार ९३२ कित्ता हकप्रद शेयर चैत १३ गते देखि निष्कासन गर्ने तयारी गरेका थिए ।
त्यसैगरी एनएलजी इन्स्योरेन्स कम्पनीले ३८ लाख ४२ हजार ४३७ दशमलव ५० कित्ता हकप्रद शेयर गत फागुन २२ गते देखि चैत १२ गतेसम्म निष्कासन तथा विक्री खुला गरेको थियो । प्रुडेन्सियल इन्स्योरेन्स कम्पनीले ३८ लाख ४९ हजार १२० कित्ता २०७६ फागुन १८ गते देखि चैत २३ गतेसम्म हकप्रद शेयर निष्कासन तथा विक्री बन्द गर्ने भनेको थियो ।
उक्त कम्पनीको हकप्रद पनि स्थगित छ । परिस्थिति सहज भएपछि निष्कासन विक्री खुला गर्ने ती कम्पनीहरुले बताएका छन् ।
वि.सं.२०७७ जेठ २८ बुधवार ०८:०४ मा प्रकाशित