काठमाडौं । स्थानीय बजारमा सुनको मूल्यमा अनपेक्षितरुपमा वृद्धि भएको छ । बिहीवार बजार खुल्दा प्रतितोला पहेंलो धातुको मूल्य रू. ८९ हजार ६०० कायम भई हालसम्मकै उच्च विन्दुमा पुगेको हो ।
नेपाल सुनचाँदी व्यवसायी महासंघका अनुसार बिहीवार छापावाल सुनको मूल्य बुधवारको तुलनामा रू.१ हजारले बढेको छ । त्यसैगरी, तेजाबी सुन प्रतितोला रू. ८९ हजार १६५ मा कारोवार भइरहेको छ भने चाँदीको मूल्य प्रतितोला रू. ९५० कायम भएको छ ।
अन्तरराष्ट्रिय बजारमा सुनको मूल्यमा वृद्धि भएसँगै त्यसको स्थानीय बजारमा पनि प्रभाव परेको सुनचाँदी व्यवसायीले बताएका छन् ।
गत आइतवारदेखि सुनको मूल्यमा निरन्तर बढोत्तरी भइरहेको छ । उक्त दिन रू. ८७ हजार ४०० मा एकतोला सुन खरीदविक्री भएको थियो ।
वि.सं.२०७७ जेठ २९ बिहीवार १६:४० मा प्रकाशित
