काठमाडौं । सरकारले सरकारी तथा निजी कार्यालय र बैंक तथा वित्तीय संस्थाका कार्यालय दुई सिफ्टमा सञ्चालन गर्ने भएको छ ।
बुधवार मन्त्रिपरिषदले गरेको निर्णयबारे बिहीवार जानकारी दिदैं अर्थ मन्त्री तथा सरकारका प्रवक्ता डा युवराज खतिवडाले कोरोना महामारी रोकथामका लागि सुरक्षात्मक उपाय अपनाउन तथा कर्मचारीबीच दुरी कायम गर्ने उद्देश्यले कार्यालय दुई सिफ्टमा चलाउने निर्णय गरिएको बताउनुभयो ।
उहाँले असार १ गतेदेखि सबै सरकारी, निजी र बैंक तथा वित्तीय संस्थाहरु विहान बिहान ८ बजेदेखि १ बजेसम्म र अपरान्ह १ बजेदेखि बेलुका ६ बजेसम्म सञ्चालन हुने बताउनुभयो ।
आर्थिक वर्षको अन्तिम समय निजिकिदै गरेको र कामको चाप पनि उत्तिकै हुने भएकोले सरकारी कार्यालय दुई सिफ्टमा सञ्चालन गर्न लागिएको पनि उहाँले बताउनुभयो ।
वि.सं.२०७७ जेठ २९ बिहीवार १९:२० मा प्रकाशित