काठमाडौं । काठमाडौंमा आज फेरि थप १ जना कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयको नियमित पत्रकार सम्मेलनका क्रममा प्रवक्ता जागेश्वर गौतमले काठमाडौं आज थप एक जनामा संक्रमण देखिएको बताउनुभयो ।
राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंमा थप १ जना महिलामा संक्रमण पुष्टि भएको हो । यसअघि सोमबार पनि काठमाडौंका ४ जनामा संक्रमण देखिएको थियो।
मंगलबारमात्र देशभर ३ सय ८० जना कोरोनाका संक्रमित थपिएका छन् । योसगै कुल संक्रमितको संख्या ६ हजार ५ सय ९१ पुगेको छ ।
वि.सं.२०७७ असार २ मंगलवार १६:३९ मा प्रकाशित