back
Mega Long Ad

व्यवसायीलाई यी आठ सेवा क्षेत्रमा कर, शुल्क तथा भाडामा छुट दिने निर्णय, कुनमा कति ? (सूचनासहित)

काठमाडौं । धनकुटा नगरपालिकाले व्यवसायीलाई विभिन्न आठ सेवा क्षेत्रमा कर, शुल्क तथा भाडामा छुट दिने निर्णय गरेको छ ।

लकडाउनका कारण व्यवसायीमा पर्न गएको मर्कालाई मध्यनजर गर्दै नगरपालिकाले विभिन्न आठ सेवा क्षेत्र निर्धारण गरी कर, शुल्क र भाडा छुट दिने निर्णय गरेको नगरपालिकाका प्रमुख प्रशासकीय अधिकृत रामबहादुर थापाले जानकारी दिए ।

उनका अनुसार लकडाउनले प्रत्यक्ष रुपमा प्रभाव परेका कर, शुल्क, भाडा, ठेक्का आदि क्षेत्रमा औचित्यका आधारमा आर्थिक वर्ष २०७६/०७७ को करमा छुट दिने निर्णय भएको हो ।

थापाका अनुसार नगरपालिकाभित्र सञ्चालन भएका सबैखाले व्यापार व्यवसायमा आव २०७६/०७७ मा बुझाउनु पर्ने व्यवसाय करमा २५ प्रतिशत छुट दिने निर्णय भएको छ । व्यापारीहरुले कर बुझाइसकेको भए आगामी आर्थिक वर्षको करमा मिलान गर्ने उनले बताए ।

यस्तै निजी व्यवसायीक बहाल वापतको करमा पनि २५ प्रतिशत छुट दिने निर्णय नगरपालिकाले गरेको छ । सरकारी वा संस्थागत बहालको हकमा भने यो नियम लागू हुने छैन ।

यस्तै व्यापारिक भवन लगायत व्यापारिक संरचनाहरुको भाडा, व्यापारिक भवन, पसल, सर्टर, बहुउद्देश्यीय भवन, शौचालय आदिमा लकडाउन अवधिभरको भाडा छुट दिने निर्णय नगरपालिकाले गरेको छ । सुविधायुक्त बैङ्क तथा वित्तिय संस्थाको हकमा भने यो नियम लागू हुने छैन।

यस्तै साप्ताहिक हाटबजार सेवा शुल्क संकलन ठेक्का(धनपा ५ र १) मा पनि २५ प्रतिशत छुट दिने निर्णय भएको थापाले बताए । यस्तै सरसफाई शुल्कमा पनि २५ प्रतिशत छुट दिने निर्णय भएको छ । तर घरमा लाग्ने सरसफाई शुल्कमा भने छुट हुने छैन ।

सवारी पार्किङ शुल्क संकलन ठेक्कामा १५ प्रतिशत, ढुंगा, गिटी, बालुवा आदि पैदावर संकलन (फोङसुवा खोला ठेक्का धनपा ९)मा कुल ठेक्का रकमको आधारमा एक महिना बराबरको रकम छुट दिने निर्णय गरेको छ । यस्तै धनपा ५ स्थित नगरपालिका कार्यालयमा सञ्चालित चमेनागृहको २ महिना बराबरको भाडा छुट दिने निर्णय नगरपालिकाले गरेको छ । -अनलाइन खबरबाट

वि.सं.२०७७ असार २ मंगलवार १६:५७ मा प्रकाशित

You can share this post!

तलेजु मन्दिरमा आज बली नदिने, प्रशासनले लगायो रोक

तलेजु मन्दिरमा आज बली नदिने, प्रशासनले लगायो रोक

वि.सं.२०७८ असोज २९ शुक्रवार ०७:२१

भक्तपुर । भक्तपुरकी लक्ष्मीमाया माक पूजा गर्न दरबार स्क्वायरस्थित तलेजु...

गुल्मीमा जिप दुर्घटना हुँदा तीनको मृत्यु, ६ जना घाइते

गुल्मीमा जिप दुर्घटना हुँदा तीनको मृत्यु, ६ जना घाइते

वि.सं.२०७८ असोज २९ शुक्रवार ०७:००

गुल्मी । गएराति गुल्मीको रेसुंगा नगरपलिका १० स्थित पाँचरातेमा जिप...

आज दशैंको टीका : १०ः२ बजे उत्तम साइत, अन्य देशमा कति बजे ?

आज दशैंको टीका : १०ः२ बजे उत्तम साइत, अन्य देशमा कति बजे ?

वि.सं.२०७८ असोज २९ शुक्रवार ०६:४४

काठमाडौं । यो वर्षको लागि आज दशैंको दिन अर्थात् विजया...

आज विजया दशमी : देवी विसर्जनको शुभ साइत बिहान ८ः१९ बजे

आज विजया दशमी : देवी विसर्जनको शुभ साइत बिहान ८ः१९ बजे

वि.सं.२०७८ असोज २९ शुक्रवार ०६:२२

काठमाडौं । नेपालीको महानचाड बडादशैंको आज महत्वपूर्ण दिन विजया दशमी...

रारा पुगेर ८५ वर्षीया पवित्रा भट्टराईले भनिन्- देश विकास भएको रहेनछ

रारा पुगेर ८५ वर्षीया पवित्रा भट्टराईले भनिन्- देश विकास भएको रहेनछ

वि.सं.२०७८ असोज २८ बिहीवार २०:०६

सुर्खेत । रारा तालको सुन्दरताले लोभ्याएर खोटाङको दिक्तेलकी ८५ वर्षीया...

दक्षिण कोरियाबाट फर्केर माछा पालन

दक्षिण कोरियाबाट फर्केर माछा पालन

वि.सं.२०७८ असोज २८ बिहीवार १९:५५

बागलुङ । बागलुङको काठेखोला गाउँपालिका–८ लेखानीका लक्ष्मण पुनले जीवनको १४...