काठमाण्डौ । सजिलो लघुवित्त वित्तीय संस्थाले असार २१ गते दोश्रो वार्षिक साधारण सभा बोलाएको छ । साधारण सभा दियालो फुडल्याण्ड टोखा, काठमाण्डौमा विहान ९ बजे सुरु हुने जनाइएको छ ।
सभामा संस्थाले समिट लघुवित्तसँग मर्ज हुने प्रकृयालाई अन्तिम रुप दिने प्रस्ताव पेश गर्दैछ । गोरखा केन्द्रिय कार्यालय रहेको सजिलो लघुवित्त र झापा केन्द्रिय कार्यालय रहेको समिट लघुवित्त एक आपसमा मर्ज हुन लागेका हुन् ।
हाल १४ करोड चुक्त्ता पुँजी रहेको सजिलो लघुवित्त र २५ करोड ४३ लाख चुक्त्ता पुँजी रहेको समिट लघुवित्त बिच हुन लागेको मर्जलाई लघुवित्त क्षेत्रमा महत्वका साथ हेरिएको छ ।
साधारण सभामा मर्ज प्रकृयालाई अन्तिम रुप दिने प्रस्ताव सँगै संचालक समितिको तर्फबाट अध्यक्षले आ.व २०७५/०७६ को वार्षिक प्रतिवेदन प्रस्तुत गर्नेछन । त्यस्तै आ.व २०७६/७७ का लागि लेखा परिक्षक नियुक्ति र पारिश्रमिक निर्धारण गर्ने प्रस्ताव साथै अन्य प्रस्ताव पेश हुने जनाइएको छ ।
वि.सं.२०७७ असार ३ बुधवार ०८:३४ मा प्रकाशित