काठमाडौं । एनआइसी एशिया लघुवित्तले असार १० देखि ४७ लाख ५५ हजार कित्ता आइपिओ बिक्री गर्न लागेको छ । कम्पनीको आइपिओमा छिटोमा असार १४ र ढिलोमा असार २४ गतेसम्म आवेदन दिन सकिन्छ ।
कम्पनीले ७४ हजार कित्ता कर्मचारीहरूका लागि, २ लाख ३७ हजार ८ सय कित्ता सामूहिक लगानी कोषका लागि छुट्याएको छ भने बाँकी रहेको ४४ लाख ४३ हजार २ सय कित्ता सर्वसाधारणका लागि निष्कासन गर्नेछ । यो लघुवित्त क्षेत्रमा हालसम्मकै ठूलो कित्ताको आइपिओ आएको हो ।
प्रतिसेयर १ सय रुपैयाँको न्यूनतम १० कित्ता र अधिकतम २ लाख कित्ताका लागि आवेदन दिन सकिन्छ । कम्पनीले आइपिओ बिक्रीको जिम्मा सानिमा क्यापिटल लिमिटेडलाई दिएको छ ।
आवेदकले नेपाल धितोपत्र बोर्डबाट स्वीकृत प्राप्त गरेका सम्पूर्ण सिआस्बा सेवामा सहभागी बैंक तथा वित्तीय संस्था र तिनका शाखा कार्यालयहरूबाट आवेदन दिन सक्नेछन् ।
कम्पनीले निष्कासन गर्न लागेको आइपिओलाई केयर रेटिङ नेपालले ग्रेड ४ रेटिङ प्रदान गरेको छ । ग्रेड ४ रेटिङले कम्पनीको आधारभूत पक्ष औसतभन्दा तल रहेको देखाउँछ । हाल कम्पनीको चुक्ता पुँजी १ अर्ब ४५ लाख रहेको छ । आइपिओ निष्कासन बाँडफाँडपश्चात् उक्त पुँजी १ अर्ब ४८ करोड पुग्नेछ ।
वि.सं.२०७७ असार ३ बुधवार १०:११ मा प्रकाशित