काठमाडौं । मिर्मिरे लघुवित्त वित्तीय संस्थाको विशेष सधारण सभा असार २० गते सिद्धार्थ कटेज कामनपा– ३२ तिनकुने, काठमाडौंमा हुने भएको छ ।
कम्पनीको असार ३ गते बसेको सञ्चालक समितिको बैठकले साधारण सभा गर्ने निर्णय गरेको हो । साधारण सभाको प्रस्तावमा उक्त कम्पनीले नागबेली लघुवित्त वित्तीय संस्थालाई प्राप्ति गर्ने रहेको छ ।
सभामा प्राप्ति प्रयोजनको लागि मूल्यांकनकर्ताबाट चलअचल सम्पत्ति तथा दायित्वको मूल्यांकन गरी प्राप्त प्रतिवेदनको आधारमा नागबेली लघुवित्तको समायोजित प्रतिशेयर मूल्यको आधारमा गरिएको शेयर स्वाप अनुपात स्वीकृती गर्ने प्रस्ताव रहेको छ ।
साथै मिर्मिरे लघुवित्तले नागबेली लघुवित्त र स्वेडा लघुवित्तलाई प्राप्ति पश्चात कायम हुने चुक्तापूँजीको आधारमा हकप्रद शेयर जारी गर्ने प्रस्ताव रहेको छ । साधारण सभा प्रयोजनको लागि शेयरधनी दर्ता पुस्तिका असार १० गने देखि २० गतेसम्म बन्द रहनेछ ।
वि.सं.२०७७ असार ४ बिहीवार ११:०७ मा प्रकाशित
