काठमाडौं । प्रधानमन्त्री केपी शर्मा ओलीको राजीनामा मागिएपछि गोकुल बाँस्कोटाले कडा चेतावनी दिदै धारणा सार्वजनिक गर्नुभएको छ । उहाँले आज फेसबुकमा प्रधानमन्त्रीमाथिका हमलाहरु योजनावद्ध भएको लेख्नुभएको छ ।
पूर्व सञ्चारमन्त्री समेत रहेका बाँस्कोटाले यसलाई बदनाम, आक्रमण र ध्वस्त भन्नुभएको छ । उहाँले लेख्नुभएको छ, ‘अरुलाई पुर्ने खाल्डो खन्नेले आफ्ना लागि पनि खनिरहेकै हुन्छ । उ्हाँले बाँकी घटनालाई धैर्यपूर्वक हेर्न भन्नुभएको छ ।’
निर्वाचन आयोगमा एमाले पार्टी दर्ताको तयारी भइरहेको विषय बाहिर आइरहँदा बाँस्कोटाको भनाई बाहिर आएको हो ।
गोकुल बाँस्कोटाको फेसबुक स्टाटसः
‘प्रधानमन्त्रीका कमजोरी होलान तर प्रधानमन्त्रीमाथिका हमलाहरु नियोजित डिजाईनका स्पष्ट श्रृङ्खला हुन।बदनाम,आक्रमण र ध्वस्त। चरणहरु यीनै हुन।बाँकी धैर्यतापुर्वक हेरौ।अरुलाई पुर्ने खाल्डो खन्नेले आफ्ना लागि पनि खनिरहेकै हुन्छ ।’
वि.सं.२०७७ असार १६ मंगलवार २०:०५ मा प्रकाशित