काठमाडौं । कोरोना भाइरस संक्रमणका कारण कार्यालय समयमा भिडभाड हुने गरेकोले सेवाग्राहीलाई थप सहज बनाउन र जोखिम कम गर्न पाल्पाको एक गाउपालिकाले कार्यालय समय थप गरेको छ ।
गाउँपालिकाद्वारा दिइने सेवालाई प्रभावकारी बनाउन र योजनाहरुको समयमै भुक्तानी तथा फरफारक गर्नको लागि यहाको निस्दी गाउँपालिकाको कार्यालय पाँच दिन बिहान ७ः३० बजेदेखि खुल्ने भएको हो ।
असार मसान्त नजिक आउँदै गर्दा कार्यालय समय थप गरिएको गाउँपालिकाले जनाएको छ । यही असार १९ गतेबाट २३ गतेसम्म कार्यालय समय थप गरिएको हो ।
कोरोना भाइरस संक्रमणका कारण कार्यालय समयमा भिडभाड हुने गरेकोले सेवाग्राहीलाई थप सहज बनाउन र जोखिम कम गर्न कार्यालय समय थप गरिएको गाउँपालिकाका उपाध्यक्ष रिता कुमारी खनाल अर्यालले बताउनुभयो ।
वि.सं.२०७७ असार १९ शुक्रवार १८:०५ मा प्रकाशित
