काठमाडौं । नक्कली अध्यापन अनुमति–पत्र प्रयोग गरी शिक्षक भएका राष्ट्रिय प्राथमिक विद्यालय, धमौरा, महोत्तरीका शिक्षक महन्जी साह उपर मुद्दा दर्ता गरेको छ।
तत्कालीन प्राथमिक विद्यालय साहले नक्कली अध्यापन अनुमतिपत्र पेश गरी शिक्षा सेवामा प्रवेश गरे पछि अख्तियार दुरुपयोग अनुसन्धान आयोगले मंगलबार मुद्दा दर्ता गरेको हो।
महोत्तरीको बलवा नगरपालिका ९ का शिक्षक साहले शिक्षा सेवा आयोग, सानोठिमी, भक्तपुर मातहतको जिल्ला शिक्षा कार्यालय, धनुषाबाट स्थायी अध्यापन अनुमति–पत्र लिएको भनी झुठ्ठा तथा नक्कली स्थायी अध्यापन अनुमति–पत्र पेश गरी मिति २०६६।०६।१५ देखि प्राथमिक विद्यालय तहको शिक्षकमा नियुक्ती लिए अख्तियारको भनाई छ।
साहलाई कानुन बमोजिम कारवाही होस भनी अख्तियारले सोमबार विशेष अदालत, काठमाडौंमा मुद्दा दर्ता गरेको जनाएको छ।
वि.सं.२०७७ असार २३ मंगलवार १३:२१ मा प्रकाशित