काठमाडौं । सरकारले नेपाल प्रहरीको २८औँ प्रहरी महानिरीक्षक (आइजिपी)मा शैलेश थापा क्षेत्रीलाई नियुक्त गरेको छ । मंगलबारको मन्त्रिरिषद बैठकले उनलाई प्रहरी महानिरीक्षकमा नियुक्त गरेको हो ।
गृह मन्त्रालयले ज्येष्ठता, कार्यक्षमता, र कार्यसम्पादनसमेतको मूल्यांकनका आधारमा आइजिपीमा बढुवा गर्न उनको नाम मन्त्रिपरिषद्मा सिफारिस गरेको थियो । थापा २०६७ साल फागुन १५ गते एआइजीमा बढुवा भएका थिए ।
थापा २०४९ वैशाखमा प्रहरी निरीक्षकबाट नेपाल प्रहरीमा सेवा प्रवेश गरेका थिए ।
वि.सं.२०७७ असार २३ मंगलवार १८:०७ मा प्रकाशित