काठमाडौं । नेपाल राष्ट्र बैंकले शनिवार बैंक तथा वित्तीय संस्थाहरुलाई शनिवार पनि खुला राख्न निर्देशन दिएको छ । केन्द्रीय बैंकले क ख र ग वर्गका बैंक तथा वित्तीय संस्थाहरुलाई असार मसान्तसम्म शनिवार तथा सार्वजनिक बिदामासमेत केन्द्रीय तथा शाखा कार्यालयहरु पूर्णकालिन रुपमा खोल्न भनेको छ ।
केन्द्रीय बैंकको निर्देशनपछि राजस्व बुझ्ने प्रयोजनका लागि बैंक तथा वित्तीय संस्थाहरु अव असार मसान्तसम्म पूर्णकालिन रुपमा खुल्ने छन् । राष्ट्र बैंक, बैंक तथा वित्तीय संस्था नियमन विभागका प्रमुख देवकुमार ढकालले राजस्व कारोबार गर्ने बैंक तथा वित्तीय संस्थाका शाखा कार्यालयहरू खुला राख्न निर्देशन दिइएको बताएका छन् ।
उनका अनुसार बैंकमात्रै होइन क्लियरिङ गर्ने नेपाल क्लियरिङ हाउससमेत खोल्न भनिएको छ । कोरोना भाइरसका कारण सरकारको राजस्व उठ्न नसकेको र सर्वसाधारणलाई सहजताका लागि बैंकहरू खुला राख्न निर्देशन दिएको राष्ट्र बैंकले बताएको छ ।
हेर्नुहोस् सूचना :
वि.सं.२०७७ असार २६ शुक्रवार १४:५८ मा प्रकाशित
