काठमाडौं । उन्नति लघुवित्त वित्तीय संस्थाले ३८ दशमलव ६० प्रतिशत बोनस शेयर सम्वन्धित शेयरधनीहरुको हितग्राही खातामा जम्मा गरिदिएको छ ।
कम्पनीले गत आर्थिक वर्ष २०७५/७६ को मुनाफाबाट गत पुस २९ गते पारित गरेको बोनस शेयर हितग्राही खातामा जम्मा गरेको हो । कम्पनीले उक्त बोनस शेयर असार २३ गतेनै नेपाल स्टक एक्सचेञ्ज नेप्सेमा सूचीकृत गराईसकेको छ ।
हितग्राही खातामा जम्मा भएपश्चात अब भने उक्त शेयर दोस्रो बजारमा कारोबार गर्न सकिने भएको हो । उन्नती लघुवित्तले र सहकार्य लघुवित्त एक आपसमा गाभिएर असार २६ गतेदेखि एकीकृत कारोबार शुरु गरेका छन् ।
वि.सं.२०७७ असार २९ सोमवार ११:२३ मा प्रकाशित
