काठमाडौं । अजोड इन्स्योरेन्सको आईपीओ शुक्रबार बाँडफाँड हुने भएको छ । विक्री प्रवन्धक एनआईबिएल एस क्यापिटलले दिउँसो ३ बजे आईपीओ बाँडफाँड हुने जानकारी दिएको हो ।
उक्त कम्पनीले रू.३० करोड बराबरको ३० लाख कित्ता आईपीओ असार २५ गतेदेखि २९ गतेसम्म विक्री गरेको थियो । कुल कित्ता १ लाख २० हजार कित्ता कर्मचारीलाई र १ लाख ५० हजार कित्ता शेयर सामुहिक लगानी कोषलाई छुट्टाइएर बाँकी २७ लाख ३० हजार कित्ता शेयर सर्वसाधारणलाई विक्री गरिएको हो ।
विक्री प्रबन्धकका अनुसार उक्त कम्पनीको आईपीओमा ४ लाख ८४ हजार ४९८ ओटा योग्य आवेदनबाट १ करोड ७२ लाख १५ हजार ४९० कित्ता शेयर माग भएको छ ।
त्यसमध्ये गोलाप्रथाका आधारमा २ लाख ७३ हजार जनाले मात्रै १० कित्ताका दरले शेयर पाउनेछन् । बाँकी २ लाख ११ हजार ४९८ जनाको खाली हुनेछ । आईपीओ निष्काशनपछि कम्पनीको चुक्तापूँजी रू.१ अर्ब पुग्नेछ ।
वि.सं.२०७७ साउन १ बिहीवार १८:४६ मा प्रकाशित
