काठमाडौं । पपुवान्युगिनीमा शुक्रबार शक्तिशाली भूकम्प आएको छ । देशको पूर्वी क्षेत्रमा ६ दशमलव ९ म्याग्निच्युडको भूकम्प आएको अधिकारीहरूले जानकारी दिएका छन् ।
अमेरिकी भूगर्भ विभागले स्थानीय समयानुसार शुक्रबार दिउँसो १२ बजेर ५० मिनेट जाँदा भूकम्प आएको जनाएको छ । राजधानीदेखि एक सय ५० किलोमिटर टाढा केन्द्रबिन्दु रहेको र ८५ किलोमिटर गहिराइबाट कम्पन भएको अधिकारीहरूले जनाएका छन् ।
भूकम्प आएपछि भागाभाग भएको थियो । देशका धेरै ठाउँमा भूकम्पको महसुस गरिएको थियो । अधिकारीहरूले भूकम्पका कारण कुनै मानवीय तथा भौतिक क्षति भएको विवरण प्राप्त नभएको जनाएका छन् ।
वि.सं.२०७७ साउन २ शुक्रवार १४:०७ मा प्रकाशित