काठमाडौं । नेपाल राष्ट्र बैंकले बैंक तथा तथा वित्तीय संस्थाका प्रमुख कार्यकारी अधिकृत (सीईओ) को तलबभत्तासहित सेवा सुविधामा कटौती गर्ने संकेत गरेको छ ।
आर्थिक वर्ष २०७७/७८ को मौद्रिक नीतिले बैंक तथा वित्तीय संस्थाको सञ्चालन खर्च घटाउन प्रमुख कार्यकारी अधिकृतको तलबभत्तामा पुनरवलोकन गरिने उल्लेख गरेको छ ।
बैंक तथा वित्तीय संस्थाका सीईओको तलबभत्ता असाध्यै धेरै भएको भनी आलोचना हुँदै आएको छ । कतिपय बैंक तथा वित्तीय संस्थाका सीईओले वार्षिक रु. २ करोडसम्म तलबभत्ता बुझ्ने गर्छन्। मौद्रिक नीतिले ब्यांक तथा वित्तीय संस्थाका सञ्चालक समितिको भत्तामा समेत कटौती गर्ने उल्लेख गरेको छ।
वि.सं.२०७७ साउन २ शुक्रवार १६:२० मा प्रकाशित