काठमाडौं । पहिलो घर निर्माणका लागि आवास कर्जा सुरक्षणमूल्य अनुपातको सीमा ६० प्रतिशत कायम गरेको छ । यसअघि फागुनसम्म यस्तो कर्जाको सीमा ५० प्रतिशत थियो । तर मौद्रिक नीतिको अर्धवार्षिक समीक्षामा ६० प्रतिशत पुर्याइएको थियो ।
शुक्रबार मौद्रिक नीति सार्वजनिक गर्दै नेपाल राष्ट्र बैङ्कले आवासीय भवनको लागि बैङ्कबाट दिइने ऋणमा विगतकै व्यवस्था यथावत राखेको हो ।
शहरी विकास र व्यवस्थित बसोबास प्रोत्साहित गर्ने उद्धेश्यले अनुमति प्राप्त घर जग्गा व्यवसायीबाट सञ्चालन गरिने सरकारबाट स्वीकृति प्राप्त निर्माणधीन आवास आयोजनाको लागि र व्यक्तिलाई पहिलो घर निर्माणका लागि प्रवाह गरिने निजी आवासाीय आवास कर्जाको हकमा कर्जा सुरक्षणमूल्य अनुपातको सीमा ६० प्रतिशत कायम गरिएको छ ।
यस्तै घर जग्गा तथा रियल स्टेट क्षेत्रमा प्रवाह हुने कर्जाको सम्बन्धमा कर्जा सुरक्षमुख्य अनुपात काठमाडौं उपत्यका भित्रको लागि ४० प्रतिशत र अन्य स्थानको हकमा ५० प्रतिशत कायम गर्नुपर्ने विद्यमान व्यवस्थालाई यथावत कायम गरेको छ ।
वि.सं.२०७७ साउन ४ आइतवार १२:३२ मा प्रकाशित
