काठमाडौं । सोमवार नेप्से परिसुचक कारोबार भएको २ घण्टा अवधिमा १ हजार ४८१ दशमलवम ५१ विन्दुमा पुगेको छ । सो अवधिमा १८० ओटा कम्पनीको रू. २ अर्बभन्दा बढीको शेयर खरीद विक्री भएको छ ।
सबैभन्दा बढी हिमालयन उर्जा विकास कम्पनीको शेयर मूल्य १० प्रतिशतले वृद्धि भएर रू. ९९ पुगेको छ भने सबैभन्दा बढी कारोबार एनएमबि बैंकको भएको छ । बैंकको रू. १६ करोड बराबरको शेयर खरीदविक्री भएको हो ।
कारोबारमा आएका १२ ओटा समूह मध्ये बैंकिङ समूहको परिसुचक १ दशमलव ३८ प्रतिशत, विकास बैकको २ दशमलव ३१ प्रतिशत, वित्त समूहको १ दशमलव ६३ प्रतिशत , निर्जीवन बीमा कम्पनीको शून्य दशमलव ९३ प्रतिशत र म्युचुअल फण्डको शून्य दशमलव ६७ प्रतिशतले वृद्धि भएको छ भने बाँकी समूहको परिसुचक घटेको हो ।
वि.सं.२०७७ साउन ५ सोमवार १४:०७ मा प्रकाशित