काठमाडौं । सरकारले विपद पीडित उद्धार र राहत सम्वन्धी (सातौ संशोधन) मापदण्ड २०७७ स्वीकृत गरेको छ । सोमवार बसेको मन्त्रिपरिषद बैठकले प्रकोप पिडित उद्धार र राहत सम्वन्धी, २०६४ लाई समसामयिक संशोधन गरेको हो ।
बुधवार एक विज्ञप्ति जारी गर्दै गृह मन्त्रालयले सो जानकारी गराएको हो । मन्त्रालले जारी गरेको विज्ञप्ति अनुसार प्रमुख जिल्ला अधिकारीहरुले पिडितहरुको खोज तथा उद्धारका गर्ने कार्यको लागि न्युनतम २५ जनाको दक्ष जनशक्ति जुनसुकै अवस्था परिचालन हुने सक्ने अवस्थामा राख्नु पर्ने जनाएको छ ।
यस्तै जिल्ला विपद व्यवस्थापन समितिको मातहतमा खोज तथा उद्धार सामागं्रीको भण्डारन गर्नुका साथै २५ जना जनशक्ति व्यवस्थापन गर्नुपर्ने मन्त्रालयले जारी गरेको विज्ञप्तिमा उल्लेख छ ।
विस्तृतका लागि हेर्नुहोस् विज्ञप्ति
वि.सं.२०७७ साउन ७ बुधवार १८:५२ मा प्रकाशित
