काठमाडौं । सोमवार शेयर कारोबार भएको दुई घण्टामा नेप्से परिसुचक ५ दशमलव ८३ अंकले बढेको छ । सो अवधिमा रू. ८३ करोड ६३ लाख बराबरको शेयर खरीदविक्री भएको छ ।
नेप्से परिसुचक ५ दशमलव ८३ अंकले वृद्धि भएर १ हजार ४७० दशमलव ९३ विन्दुमा पुगेको छ । सबैभन्दा बढी नेपाल लाइफ इन्स्योरेन्स कम्पनीको शेयर कारोबार भएको छ । कम्पनीको रू. ८ करोड ६५ लाख बराबरको शेयर कारोबार भएको हो ।
यस अवधिमा सबैभन्दा बढी कर्पोरेट डेभलपमेण्ट बैंकका शेयरधनीले गुमाएका छन् । बैंकको शेयर मूल्य ९ दशमलव ५२ प्रतिशत घटेको छ । जोशी हाइड्रोपावरको शेयर मूल्य १० प्रतिशत वृद्धि भएको हो ।
कारोबारमा आएको १२ ओटा समूहमध्ये बैंकिङ समूहका शून्य दशमलव ५२ प्रतिशत, विकास बैंकको शून्य दशमलव ८६ प्रतिशत,उत्पादन तथा प्रशोधन समूहको शून्य दशमलव ७५ प्रतिशत, लघुवित्त समूहको शून्य दशमलव ८२ प्रतिशत,अन्य समूहको शून्य दशमलव ७५ प्रतिशत र म्युचुअल फण्डको शून्य दशमलब शून्य २ प्रतिशत वृद्धि भएको छ भने बाँकी समूहको परिसुचक घटेको छ ।
वि.सं.२०७७ साउन १२ सोमवार १३:०३ मा प्रकाशित