काठमाडौं । आज पनि बजार परिसूचक नेप्से २३.३६ अंकले र सेन्सिटिभ सूचक ५.१८ अंकले घटेको छ । आज कारोबार भएका १२ वटै समूहका सूचक राताम्य बनेका छन्।
बीमा समूहको सूचक सबैभन्दा बढी अंकले ओरालो लाग्दा विकास बैंक, वाणिज्य बैंक, होटल र माइक्रोफाइनान्सका सूचकहरु पनि दोहोरो अंकले ओरालो लागेका छन्।
बुधबार उक्त समूहअन्तर्गतका कुल १ सय ८७ कम्पनीको ३८ लाख ३९ हजार कित्ता सेयर बिक्री भएको नेप्सेले जनाएको छ । बजार बन्द हुनुअघि २४ हजार २ सय २४ पटकको सेयर खरिदबिक्रीमा कारोबार रकम भने १ अर्ब ६८ करोड पुगेको छ।
जुन अघिल्लो दिनको तुलनामा बढी हो। मंगलबार सेयर बजारमा १ अर्ब २५ करोडको कारोबार भएको थियो।
वि.सं.२०७७ साउन १४ बुधवार १५:२७ मा प्रकाशित