जनकपुरधाम । कोरोना भाइरसले भयावह रुप लिन थालेपछि महोत्तरीको जलेश्वर नगरपालिका कार्यालय आजदेखि अनिश्चितकालका लागि बन्द गरिएको छ।
नगरपालिकाका प्रमुख प्रशासकिय अधिकृत राजुराज कडरियाले सूचना जारी गरेर कार्यालय बन्द गरेको जानकारी गराएका हुन्। अर्को सूचना जारी नहुन्जेलसम्म अतिआवश्यक सेवाबाहेक कार्यालय बन्द गरिएको जनाइएको छ।
महोत्तरीका कोरोना संक्रमित ६० वर्षीय पुरुषको साउन ६ मा धरानस्थित बिपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको थियो। उनी महोत्तरी गाउँपालिका ३ का थिए।
वि.सं.२०७७ साउन १५ बिहीवार १६:४६ मा प्रकाशित