काठमाडौं । सेञ्चुरी कमर्सियल बैंकले ‘थ्री डी सेक्योर’ सेवा प्रारम्भ गरेको छ । बैंकले इजिलिएन्ट टेक्नोलोजिस, इन्डियाको सहकार्यमा थ्री डी सेवा प्रारम्भ गरेको हो ।
यस सम्झौता अनुसार बैँकको भिसा डेबिट, क्रेडिट तथा ट्राभल कार्डबाट पैसा निकाल्न र सामान खरीद गर्न सकिने छ । यसका साथै यी कार्डबाट विभिन्न अनलाइन माध्यमबाट पनि सजिलै र सुरक्षित रूपमा सामान खरिद गर्न सकिने बताइएको छ ।
यस सेवामा ग्राहकले कार्ड प्रयोग गर्दा वान टाइम पासवर्ड आफ्नो आधिकारिक मोबाइल वा ईमेलमा प्राप्त गर्न सक्ने व्यवस्था गरिएको छ ।बैंकका विभन्न सेवासुविधाका बारेमा जानकारी लिन बैंकको वेबसाइट www.centurybank.com.np तथा बैंकका शाखा कार्यालयहरुमा सम्पर्क राख्न सकिने छ ।
वि.सं.२०७७ साउन २३ शुक्रवार १८:३१ मा प्रकाशित
