काठमाडौं । साताको पहिलो कारोबार दिन आइतवार एक घण्टाको कारोबारमा नेप्से परिसूचक ११ दशमलव ७९ अंक घटेको छ ।उक्त अवधिमा नेप्से परिसूचक शून्य दशमलव ८५ अंक घटेर १ हजार ३६९ दशमलव ५८ विन्दुमा झरेको हो ।
ठूला कम्पनीहरुको कारोबार मापक सेन्सेटिभ इन्डेक्स २ दशमलव ९७ अंक घटेर २८६ दशमलव ५९ विन्दुमा भरेको छ । एक घण्टामा १६८ कम्पनीको १३ हजार ५३६ पटकको व्यापारमा रू. २५ करोड २१ लाख ३७ हजार बराबरको शेयर कारोबार भएको छ ।
उक्त अवधिसम्म अजोड इन्स्योरेन्सको शेयर सर्वाधिक कारोबार भएको छ । अजोडको एक घण्टामा रू. ७ करोड ५८ लाख ८३ हजार बराबरको कारोबार भएको हो ।
उक्त अवधिमा कारोबारमा आएका १२ ओटा समूहमध्ये व्यापारिक समूहको परिसूचक स्थिर रहेको छ भने म्युचुअल फण्डको शून्य दशमलव ६९ प्रतिशत परिसूचक बढेको छ ।
बाँकी समूहको भने परिसूचक घटेको छ । यो अवधिमा सबैभन्दा बढी होटल समूहका लगानीकर्ताहरुले गुमाएका छन् । होटल समूहको परिसूचक ३ दशमलव ५६ प्रतिशत घटेको हो ।
वि.सं.२०७७ साउन २५ आइतवार १२:०० मा प्रकाशित
