back
NMB ad

गोंगबु हत्याकान्ड : भोड्कादेखि दहीसम्मका यस्ता छन् अनुसन्धानबाट खुलेका तथ्यहरू

Kumari bank ad

काठमाडौं । प्रहरीले रोल्पाका कृष्णबहादुर बोहाराको हत्यामा संलग्नको आरोमा पक्राउ परेकी महिलालाई सार्वजनिक गरेको छ। साउन २५ गते काठमाडौंको टोखा नगरपालिका – १० गोंगबु, नवज्योति मार्गमा सुटकेसमा शव र अर्को झोलामा टाउको र खुट्टा फेला पारेको थियो।

शव पहिचानपछि अनुसन्घानका क्रममा हत्यामा संलग्नको आशंकामा चितवनकी ३७ वर्षीया कल्पना मुडभरी (पौडेल) लाई सोमबार पक्राउ गरी काठमाडौं ल्याएको थियो।

प्रहरीले मंगलबार महानगरीय प्रहरी परिसर काठमाडौंमा गरेको पत्रकार सम्मलनमार्फत हत्यामा संलग्न मुडभरीलाई सार्वजनिक गरेको हो । महानगरीय प्रहरी परिसर काठमाडौं र महानगरीय अपराध महाशाखाको संयुक्त अनुसन्धानबाट विभिन्‍न तथ्यहरु फेला परेको प्रहरीले जानकारी दिएको छ ।

प्रहरीका अनुसार मृतक ४५ वर्षीय कृष्णबहादुर रोल्पा रम्तीगढी ७ सतिमका हुन् । अभियुक्त ३७ वर्षीया कल्पना चितवन कालिका नगरपालिका ७ घर भएर अहिले टोखा नगरपालिका १० नवज्योती मार्गमा बस्दै आएकी हुन् ।

उनी पेशाले गृहिणी हुन् । उनले केही टेलिशृङ्खलामा अभिनयसमेत गरेको प्रहरीले खुलाएको छ । कल्पनालाई प्रहरीले साउन २६ गते चितवन कालिका नगरपालिका ९ शक्तिखोरस्थित माइती घरबाट पक्राउ गरेको हो । घटनामा संलग्न उनकी १५ वर्षीया छोरीलाईसमेत प्रहरीले नियन्त्रणमा लिएको छ।

अनुसन्धानबाट खुलेका तथ्य

प्रहरीका अनुसार मृतक र अभियुक्त करिब तीन–चार वर्षदेखि चिनजान र सम्पर्कमा थिए । उनीहरु फेसबुकमार्फत् चिनजान भएर भेटघाट गर्दै आएको अनुसन्धानबाट खुलेको छ ।

मृतक कृष्णबहादुर अभियुक्तको कोठामा बेला बेलामा पुग्ने र भेट्ने गरेका थिए । मृतकले अभियुक्तको फोटो राखेर फेक फेसबुक आईडी खोली चलाउने गरेको अभियुक्तले बयानमा उल्लेख गरेकी छन् । फेक फेसबुकबाट आफू अनुकूल चल्नको लागि निरन्तर दबाब दिइरहेकोसमते उनले प्रहरीसँगको बयानमा बताएकी छन् ।

प्रहरी अनुसन्धानबाट मृतक घटनाको दिन आफू बसेको होटलबाट बा ७२ प ५६४४ नम्बरको स्कुटी प्रयोग गरी अभियुक्तको कोठामा पुगेको खुलेको छ । उनी कोठामा पुगेपछि अभियुक्तले दही, चिउरा, मासु र भोड्का खान दिएकी थिइन् ।

चिउरा, मासु र भोड्कासँगै अभियुक्तले दहीमा पाँचवटा निन्द्राको औषधि मिलाई खाना दिएकोसमेत बयानमा उल्लेख गरेकी छन् ।

निन्द्रालाग्ने औषधि खाएपछि मृतक लठ्ठ परेर सुतेको मौकामा अभियुक्तले फलामको मारतोल (ह्याम्मर)ले अण्डकोषमा प्रहार गरेको प्रहरी अनुसन्धानबाट खुलेको छ ।

ह्याम्मरको प्रहारपछि सलको प्रयोग गरी घाटीमा थिचेको र मरेको यकिन गरेको प्रहरी बयानमा अभियुक्तले स्वीकार गरेकी छन् ।

अभियुक्तले मरेको यकिन भएपछि धारिलो हतियार प्रयोग गरी टाउको र खुट्टा छिनाई झोलामा राखेर आफैंले फालेको स्वीकार गरेकी छन् । उनले शवको बाँकी भाग कालो रंगको सुटकेशमा राखेर बाटो नजिकै फालेर फर्किएको बताएकी छन् ।

अभियुक्त कसरी पुगिन् चितवन

कृष्णबहादुरको हत्यापछि अभियुक्त एम्बुलेन्समा चढेर चितवन पुगेको खुलेको छ । उनले चिनजानको एम्बुलेन्स चालकलाई फोन गरेर चितवन गएको प्रहरी अनुसन्धानबाट खुलेको हो । प्रहरी अनुसन्धानबाट अभियुक्तलाई छोरीलेसमेत शव व्यवस्थापनमा साथ दिएको खुलेको छ ।

वि.सं.२०७७ साउन २७ मंगलवार १६:११ मा प्रकाशित

You can share this post!

अवैध आयात र दक्ष जनशक्ति अभावले सङ्कटमा बेकरी उद्योग   

अवैध आयात र दक्ष जनशक्ति अभावले सङ्कटमा बेकरी उद्योग   

वि.सं.२०८० चैत १६ शुक्रवार १६:०८

बनियानी (झापा), १६ चैत : भारतबाट हुने अवैध आयात र...

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

राज्यका सबै निकायमा हप्तामा दुई दिन स्वदेशी पोसाक लगाउने व्यवस्था गछौँ : मन्त्री भण्डारी   

वि.सं.२०८० चैत १६ शुक्रवार १६:०४

काठमाडौँ, १६ फागुन : उद्योग, वाणिज्य तथा आपूर्तिमन्त्री दामोदर भण्डारीले...

जथाभावी फोहर फाल्नेबाट महानगरले उठायो २७ लाख जरिवाना 

जथाभावी फोहर फाल्नेबाट महानगरले उठायो २७ लाख जरिवाना 

वि.सं.२०८० चैत १६ शुक्रवार १५:५९

वीरगञ्ज (पर्सा), १६ चैत : वीरगञ्ज महानगरपालिकाले चालु आर्थिक वर्ष...

नेपालले २२३ रनको चुनौती पायो   

नेपालले २२३ रनको चुनौती पायो   

वि.सं.२०८० चैत १६ शुक्रवार १५:४८

काठमाडौँ, १६ चैत : आयरल्यान्ड ‘ए’ टोलिले ट्वान्टी–२० शृङ्खलाको पहिलो...

सात सयभन्दा बढी बैंकिङ कसुरका निवेदन   

सात सयभन्दा बढी बैंकिङ कसुरका निवेदन   

वि.सं.२०८० चैत १६ शुक्रवार १५:०८

चितवन, १६ चैत : जिल्ला प्रहरी कार्यालय चितवनमा चालु आर्थिक...

सहकारीमा गरेको बचत सुनिश्चित गर्न माग   

सहकारीमा गरेको बचत सुनिश्चित गर्न माग   

वि.सं.२०८० चैत १६ शुक्रवार १४:५८

चितवन, १६ चैत : चितवनका सहकारी संस्था समस्याग्रस्त बन्दै गएपछि...