काठमाडौं । २०० सय जनाभन्दा बढी सक्रिय कोरोना संक्रमित भएका जिल्लामा कार्यालयले अधिकतम रुपमा विद्युतीय माध्यमबाट दैनिक कार्य गर्न सरकारले निर्देशन दिएको छ ।
मन्त्रीपरिषद्को निर्णय सार्वजनिक गर्दै सरकारका प्रवक्ता डा युवराज खतिवडाले जनसम्पर्क बढी हुने कार्यालयमा ५० प्रतिशत कर्मचारी खटाउनुपर्ने बताउनुभयो ।
बैंक, सहकारी तथा जनसम्पर्क बढी हुने स्थानमा कर्मचारी ५० प्रतिशत मात्रै खटाउने सरकारको निर्णयमा उल्लेख छ । अत्यावश्यक बाहेकका जमघट, भेला र बैठकमा रोक लगाइएको छ। धार्मिकस्थलमा दैनिक नित्य पूजाबाहेक पूजाआजामा पनि रोक लगाइएको छ ।
चाडवाड घरपरिवारका सदस्यले घरभित्रै मात्र मनाउन सरकारले निर्देशन दिएको छ ।
वि.सं.२०७७ साउन २७ मंगलवार १७:१३ मा प्रकाशित