काठमाडौं । एनएमबी बैंकले खुदनाफा सामान्य बढाएको छ । गत आर्थिक वर्ष २०७६/०७७ मा एनएमबीले २ अर्ब २७ करोड रुपैयाँ खुदनाफा गरेको छ ।
बैंकले अघिल्लो आर्थिक वर्षमा २ अर्ब २५ करोड रुपैयाँ नाफा गरेको थियो । समीक्षा वर्षमा बैंकले १ करोड ३३ लाख रुपैयाँ नाफा बढाएको शुक्रबार सार्वजनिक गरेको वित्तीय विवरणमा उल्लेख छ । बैंकको वितरण योग्य नाफा १ अर्ब ४२ करोड रुपैयाँ छ ।
ओम डेभलपमेन्ट बैंकलाई प्राप्ति गरेपछि एनएमबीको चुक्तापुँजी १३ अर्ब ९५ करोड रुपैयाँ पुगेको छ । गएको असारसम्म बैंकले १ खर्ब ३१ अर्ब रुपैयाँ निक्षेप परिचालन गरी १ खर्ब १५ अर्ब रुपैयाँ कर्जा प्रवाह गरेको छ ।
गत आर्थिक वर्षमा बैंकले ५ अर्ब ५२ करोड रुपैयाँ खुद ब्याज आम्दानी गरेको छ । बैंकले अघिल्लो आवमा ४ अर्ब २४ करोड रुपैयाँ खुद ब्याज आम्दानी गरेको थियो ।
बैंकको प्रतिसेयर आम्दानी घटेर १६ रुपैयाँ ७३ पैसामा सीमित भएको छ । सो अवधिमा बैंकको खराब कर्जा बढेर २.६८ प्रतिशत पुगेको छ ।
वि.सं.२०७७ साउन ३० शुक्रवार १०:१८ मा प्रकाशित