काठमाडौ । सेञ्चुरी बैंकको गत आवको चौथो त्रैमासमा नाफा ३३ दशमलव ९९ प्रतिशत वृद्धि भएको छ । शुक्रवार प्रकाशित वित्तीय विवरण अनुसार अघिल्लो आवको चौथो त्रैमासमा कम्पनीले रू. ६७ करोड ६४ लाख नाफा कमाएकोमा गत आवको सोही अवधिमा वृद्धि भएर रू. ९० करोड ६३ लाख पुगेको हो ।
गत आवको चौथो त्रैमासमा कम्पनीको खुद ब्याज आम्दानी र सञ्चाल नाफामा वृद्धि भएपछि नाफा बढेको हो । सो अवधिमा कम्पनीको खुद ब्याज आम्दानी १० प्रतिशत र सञ्चालन नाफा १९ दशमलव ७७ प्रतिशत वृद्धि भएको छ ।
अघिल्लो आवको चौथो त्रैमासमा कम्पनीले २ अर्ब ५९ करोड खुद ब्याज आम्दानी गरेकोमा गत आवको सोही अवधिमा बढेर रू. २ अर्ब ८६ करोड पुगेको हो । त्यसैगरी नाफा बढेसँगै कम्पनीको प्रतिशेयर आम्दानीमा पनि वृद्धि भएको हो ।
अघिल्लो आवको चौथो त्रैमासमा कम्पनीको प्रतिशेयर आम्दानी रू.८ दशमव ०४ रहेकोमा गत आवको सोही अवधिमा वृद्धि भएर रू. १०.७७ पुगेको छ । गत आवको चौथो त्रैमासमा कम्पनीले वितरणयोग्य नाफा रू. ४० करोड छुट्याएको छ ।
सो अवधिमा कम्पनीले रू. ६५ अर्ब ३४ करोड निक्षेप संकलन गरेको छ भने रू. ५८ अर्ब ४ करोड कर्जा लगानी गरेको छ । चुक्तापूँजी रू.८ अर्ब ४१ करोड रहेको कम्पनीले जगेडा कोषमा रू. १ अर्ब ५३ करोड , शेयरधनी कोषमा रू. ६८ करोड २१ लाख र शेयर प्रिमियममा रू. ३ करोड ४३ लाख सञ्चित गरेको छ ।
अघिल्लो आवको चौथो त्रैमासको तुलनामा गत अवाको सोही अवधिमा भने निष्क्रिय कर्जा वृद्धि भएको छ । अघिल्लो आवको चौथो त्रैमासमा निस्क्रिय कर्जा १ दशमलव ४० प्रतिशत रहेकोमा गत आवको सोही अवधिमा वृद्धि भएर २.२१ प्रतिशत पुगेको छ ।
कम्पनीको मूल्य आम्दानी अनुपात १५ दशमलव ३२ गुणा, तरलता अनुपात २७.९६ प्रतिशत र प्रतिशेयर नेटवर्थ रू. १२६.७६ रहेको छ ।
वि.सं.२०७७ साउन ३० शुक्रवार १२:०१ मा प्रकाशित
