काठमाडौं । सनराइज बैंकले महिलाहरुलाई प्रविधिमैत्री बनाउन सनराइज नारी बचत खाता सुरुवात गरेको छ । तीजको अवसर पारेर सुरु गरेको उक्त खाताले महिलाहरुको सशक्तीकरणमा महत्वपूर्ण भूमिका खेल्ने बैंकले विश्वास लिएको छ ।
शुन्य मौज्दातमा खोल्न सकिने व्यवस्था गरेको बैंकले जानकारी दिएको छ । पहिलो वर्ष निःशुल्क डेबिट कार्ड, मोबाइल बैंकिङ्ग र निःशुल्क डिम्याट खाता, लकर चार्जमा ५० प्रतिशत छुट दिने पनि बैंकले जनाएको छ ।
केही गर्ने उद्देश्य राखेका महिलाहरुलाई प्रोत्साहन पुगोस् भनी कर्जा लिदाको प्रक्रियागत खर्चमा विशेष छुटको व्यवस्था गरेको बैंकले स्पष्टपारेको छ ।
यसैगरी महिलाहरुले डिजिटल भुक्तानी गर्दा रकमको १० प्रतिशत वा २ हजार रुपैंयासम्मको क्यास व्याक दिने व्यवस्था बैंकले गरेको छ ।
विभिन्न स्वास्थ्य बीमा समेत समावेश रहेको उक्त खाता लकडाउनका बेला ग्राहकहरुले घर बसी अनलाइनबाट खोल्न सकिने बैंकले जनाएको छ।
वि.सं.२०७७ भदौ ५ शुक्रवार ०८:४० मा प्रकाशित