काठमाडौं । डिश मिडिया नेटवर्कको डिशहोम क्रेडिट सर्भिस अब १० दिनसम्म प्रयोग गर्न पाइने भएको छ । नेपालको एकमात्र डीटीएच सेवा प्रदायक कम्पनीको रुपमा रहेको डिशहोमले कोभिडको अप्ठ्यारोमा सहजताका लागि यस्तो सुविधा ल्याएको हो ।
कम्पनीले आफ्ना ग्राहकहरुका लागि उत्कृष्ट सेवाहरु प्रवाह गर्ने बचनवद्धता अनुरुप आफ्ना ग्राहकहरुलाई सधैं थप सेवा प्रदान गर्दै आएको छ । यस अन्तर्गत डिशहोमले आफ्ना ग्राहकहरुलाई ब्यालेन्स समाप्त भइसकेपछिको पाँच दिनसम्म म्याद थपको विधा दिँदै आएको थियो ।
कम्पनीले अब उक्त उक्त सेवाको म्याद थप गरि १० दिन पु¥याएको हो । यो सेवामार्फत कम्पनीका ग्राहकले एकपटक खरिद गरेको नियमित सेवाको अवधि समाप्त भएपछिको १० दश दिनको क्रेडिट सेवा प्राप्त गर्न सक्नेछन् ।
कसरी लिने डिशहोमको उधारो ?
डिशहोम क्रेडिट सर्भिस लिनका लागि मोबाइलको म्यासेज बक्समा गई गएर ‘CREDIT CustomerID’ टाईप गरी ३२५०० मा म्यासेज पठाउनुहोस् । १० दिनको क्रेडिट (उधारो) प्राप्त भएको जानकारी तपाइले मोबाइलमै पाउनुहुनेछ ।
साथै मिसकल गरेर समेत यो सेवा लिन सकिनेछ । त्यसका लागि ९८०१११२२३३ मा मिसकल गरे पुग्छ । यसरी तपाईंले ब्यालेन्स सकिएको अवस्थामा समेत डिशहोमको सेवा सुचारु राख्न सक्नुहुनेछ ।
डिशहोम क्रेडिट सर्भिस सेल्फ–सर्भिस मोडल सेवा हो, जुन ग्राहकहरुको सहजता अनुरुप डिशहोम ग्राहक सेवा केन्द्र मार्फत् वा डिशहोम मोबाइल एपमा दर्ता भएर, मोबाइल एसएमएस मार्फत् सुचारु गर्न सकिन्छ ।
नेपालकै सबैभन्दा टेलिभिजन वितरकको रुपमा रहेको डिशहोमले विगत १० वर्षभन्दा अघिदेखि २० लाखभन्दा धेरै ग्राहकहरु माझ आफ्नो विश्वस्तरीय सेवा प्रदान गर्दै आइरहेको छ ।
वि.सं.२०७७ भदौ ८ सोमवार १४:२५ मा प्रकाशित
