काठमाडौँ । नेपालमा थप ७४३ जनामा कोरोना संक्रमण पुष्टि भएको छ । पछिल्लो २४ घन्टामा काठमाडौँ उपत्यकामा २२४ सहित देशभर ७४३ जनामा संक्रमण पुष्टि भएको हो ।
स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा १० हजार २३४ जनामा गरेको पीसीआर परीक्षणबाट ७४३ नयाँ संक्रमित देखिएका हुन् । योसँगै संक्रमितको कुल संख्या ३२ हजार ६७८ पुगेको छ ।
मन्त्रालयका प्रवक्ता प्राडा जागेश्वर गौतमका अनुसार आज उपत्यकामा देखिएका थप २२४ कोरोनाका सङ्क्रमितमध्ये काठमाडौँका १७७, लतिपुरका ३३ र भक्तपुरका १४ जना रहेका छन् ।
पछिल्लो २४ घण्टामा १७५ जना कोरोना जितेर घर फर्किएका छन् । यससँगै हालसम्म कोरोना संक्रमणमुक्त हुनेको संख्या १८ हजार ८०६ पुगेको छ । देशभरका क्वारेन्टिनमा ११ हजार २७५ जना रहेका छन् । आज देशभर सक्रिय संक्रमितको संख्या जम्मा १३ हजार ७१५ रहेको छ ।
वि.सं.२०७७ भदौ ८ सोमवार १६:२० मा प्रकाशित
