धादिङ । सिड्स नेपाल धादिङको आयोजना, संस्थागत विकास संजालको साझेदारी, थाक्रे युबा परिषदको संयोजन तथा बे्रड फर द वल्र्डको आर्थिक सहयोगमा वक्तृत्वकला प्रतियोगिता सम्पन्न भएको छ ।
धादिङको थाक्रे ६ महादेबबेशीमा ४१औँ सामाजिक सेवा दिवसको अवसरमा आयोजित वक्तृत्वकला युवा तथा बाल क्लबमा आवद्ध १७ जनाले भाग लिएका थिए ।
सामाजिक शान्ति र विकासमा यूवा सहभागीता सुनिश्चीत गरौं भन्ने विषयमा भएको खुल्ला यूवा वक्तृत्वकला प्रतियोगितामा सुजाता पौडेल प्रथम हुनुभएको छ ।
यस्तै, प्रतियोगिताको द्धितिय स्थानमा विभिषा खतिवडा, तृतियमा सलिना थापा र सान्तवना मुना तामाङ हुनु भएको छ । कार्यक्रममा प्रथम, द्धितिय, तृतिय र सान्तवना हुनु हनेहरुलाई क्रमश नगद ४ हजार, ३ हजार, २ हजार र १ हजार सहित प्रमाणपत्र वितरण गरिएको थियो ।
कार्यक्रममा सिड्स नेपालका कार्यकारी निर्देशक गोकर्ण रुपाखेतीले सामाजिक सेवा दिवसको अवसरमा आयोजित वक्तृत्वकला प्रतियोगिताले युवाको प्रतिभा निखारिने मौका पाएको बताउनुभएको छ । युवाको लागि र युवाकै विषयमा आफु र आफ्नो सँस्थाले विभिन्न काम तथा कार्यक्रमहरु गरिरहेको भन्दै आगामी दिनमा पनि निरन्तरता दिईने पनि बताउनुभयो ।
वि.सं.२०७७ असोज ७ बुधवार १२:२२ मा प्रकाशित
