काठमाडौं । नेपाल इन्भेष्टमेन्ट बैंकले कर्जाको नयाँ व्याजदर सार्वजनिक गरेको छ । बैंकले शुक्रबारदेखि लागू हुने गरेर कर्जाको नयाँ व्याजदर सार्वजनिक गरेको हो ।
हाल बैंकको बेसरेट ७.३३ प्रतिशत रहेको छ । बैंकले त्यसमा १ प्रतिशतदेखि ५ प्रतिशतसम्म प्रिमियम थपेर व्याजदर निर्धारण तोकेको हो ।
बैंकले ओभर ड्राफ्ट कर्जामा बेस रेटमा १ प्रतिशतदेखि ५ प्रतिशतसम्म प्रिमियम थपेर कर्जा दिने बताएको छ ।
यस्तै, वर्किङ क्यापिटल, कन्ट्रयाक्ट लोन, सर्ट ट्रम लोन, ट्रम लोनमा पनि १ प्रतिशतदेखि ५ प्रतिशतसम्म नै प्रिमियम थपेर कर्जा दिने बैंकको भनाइ छ । यसैगरि अन्य प्रकारका कर्जामा पनि तोकिएको व्याजदरमा कर्जा प्रवाह गरिने बताइएको छ ।
यस्तै, बैंकले फिक्स लेडिङको पनि नयाँ व्याजदर निर्धारण गरेको छ । बैंकले एआईविएल इको लोन, एसएमई लोन लागतका कर्जामा एक बर्षका लागि ९.९९ प्रतिशत व्याज लिने बताएको छ ।
यस्तै, एक बर्ष कै अवधीका लागि ग्रोइङ इन्टरपराइजेज लोनमा ७.९९ प्रतिशत, अग्रीकल्चर लोनमा ९.९९ प्रतितशत, होम लोनमा ९.९९ प्रतिशत व्याजदरमा कर्जा दिइने बताइएको छ ।
होम लोनमा ७ बर्ष भन्दा बढी अवधीका लागि १०.५० प्रतिशत र १० बर्ष भन्दा बढी अवधीका लागि १२.५० प्रतिशत व्याजदर निर्धारण गरिएको छ ।
यस्तै, व्यक्तिगत हायर प्रर्चेच कर्जामा ७ बर्ष भन्दा बढी अवधीका लागि १०.७५ प्रतिशत व्याजदर निर्धारण गरिएको छ । यसैगरि अन्य रिटयल लोनमा ११ प्रतिशत देखि १३ प्रतिशतसम्म व्याजदर निर्धारण गरिएको बैंकको भनाइ छ ।
वि.सं.२०७७ असोज १६ शुक्रवार १०:४९ मा प्रकाशित
