काठमाडौं । निजी क्षेत्रको अग्रणी वायुसेवा प्रदायक संस्था यती एयरलाइन्सले १२ वर्षपछि अर्थात यही असोज २१ देखि सिमरामा नियमित उडान गर्ने भएको छ ।
एयरलाइन्सले आफ्नो २२औँ वार्षिकोत्सवका अवसरमा नयाँ गन्तव्यको रुपमा सिमरा पुनः उडान सञ्चालन गर्ने घोषणा गरेको छ ।
सन् २००८ मा काठमाडौं-सिमरा उडान भरेको यती एअरलाइन्सले १२ वर्षपछि आगामी असोज २१ देखि बाराको सिमरा विमानस्थलमा उडान भर्न लागेको हो । सिमरा यतीको नवौं उडान गन्तव्य हो ।
एयरलायन्सका प्रमुख सुरक्षा अधिकृत तथा प्रवक्ता सुदर्शन बर्तौलाले कोभिड–१९ को सङ्क्रमणको समयमा उच्च सर्तकता अपनाएर सिमरा उडान गर्न लागेको जानकारी दिए। । सिमरा उडानबारे सम्बन्धित निकायसँग स्वीकृत लिइ असोज २१ देखि दैनिक दुई उडानमार्फत सेवा विस्तार गर्नेछौं,’उनले भने।
यतीले सिमरामा जेटइस्ट्रीम–४१ विमानमार्फत प्रत्येक दिन बिहान ९ बजे र साँझ ४ः४५ बजे काठमाडौंदेखि उडान भर्दैछ । एयरलाइन्सका बिक्री तथा बजार निर्देशक शरल एस जे वि राणाका अनुसार यात्रुहरुको माग बमोजिम पुनःसेवा प्रारम्भ गर्न लागेको जानकारी दिए।
वि.सं.२०७७ असोज १६ शुक्रवार १६:०८ मा प्रकाशित
