काठमाडौं । पछिल्लो २४ घण्टामा नेपालमा २७२२ जनामा कोरोना भाइरसको संक्रमित थपिएका छन् । योसँगै नेपालमा कोरोना संक्रमित हुनेको संख्या ८२४५० पुगेको छ।
गएको २४ घण्टामा २७ सय २२ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ। पछिल्लो २४ घण्टामा १४ हजार सात सय २२ जनाको नमुना परीक्षण गर्दा २७ सय २२ जनामा संक्रमण देखिएको हो।
त्यस्तै गएको २४ घण्टामा ३३ सय सात जना निको भएर फर्किएसँगै डिस्चार्ज हुनेको सङ्ख्या ६० हजार ६ सय ९६ पुगेको छ। अब नेपालमा २१ हजार दुई सय ३४ जना सक्रिय संक्रमित आइसोलेशनमा रहेका छन् ।
यस्तै चार हजार आठ सय ८५ जना क्वरेण्टीनमा रहेको मन्त्रालयले जनाएको छ ।
वि.सं.२०७७ असोज १६ शुक्रवार १६:२१ मा प्रकाशित